თურქეთის თხილის ბაზარი | 2026/27 სეზონი
თურქეთის სახელმწიფო შესყიდვის ახალი ნიშნული თავისუფალი ბაზრის მიმდინარე ფასზე მკვეთრად მაღალია. ჩვენი შეფასებით, სწორედ 24 აგვისტოდან გამოჩნდება, რამდენად სწრაფად გადაიტანს ეს განსხვავება კერძო ბაზარს ახალ ფასობრივ დონეზე.
6 აგვისტოს თურქეთის მარცვლეულის საბჭომ – TMO-მ – 2026/27 სეზონის გაუტეხავი თხილის ოფიციალური შესყიდვის ფასი გამოაცხადა: გირესუნის ხარისხისთვის 255 თურქული ლირა/კგ, ხოლო ლევანტის ხარისხისთვის 250 ლირა/კგ, 50%-იანი ჯანსაღი გულის გამოსავლიანობის საფუძველზე. 50%-ზე ზემოთ თითო დამატებით ერთ პროცენტულ პუნქტზე ფასს ემატება შესაბამისად
5.10 და 5.00 ლირა. ფიზიკური შესყიდვა 24 აგვისტოდან დაიწყება.
მეთხილე ფერმერთა კავშირის შეფასებით, ეს ამ ეტაპზე სეზონის ყველაზე მნიშვნელოვანი საბაზრო სიგნალია. მიუხედავად იმისა, რომ თურქეთის თავისუფალ ბაზარზე მიმდინარე ფასები მნიშვნელოვნად დაბალია, სახელმწიფო შესყიდვის ახალი ნიშნული უკვე ქმნის ისეთ საორიენტაციო დონეს, რომლის იგნორირებაც კერძო სექტორისთვის რთული იქნება.
მთავარი კითხვა ახლა აღარ არის მხოლოდ ის, რა ღირს თხილი დღეს. მთავარი კითხვაა – რა მოხდება 24 აგვისტოდან, როდესაც TMO რეალურად დაიწყებს პროდუქტის მიღებას.
TMO-ს ფასი და თავისუფალი ბაზარი – რატომ არის სხვაობა ასეთი დიდი?
10 აგვისტოს მდგომარეობით თურქეთის რეგიონულ ბაზრებზე გაუტეხავი თხილის ფასები ფრაგმენტული იყო. გირესუნის, ტირებოლუსა და გიორელეს ზონაში გავრცელებული ნიშნულები დაახლოებით 180-190 ლირა/კგ-ს შეადგენდა. ორდუში, ფაცაში, უნიესა და სამსუნში ფასები ძირითადად 160-170 ლირის ფარგლებში მოძრაობდა, ტრაბზონში – 150-160 ლირა, ხოლო დუზჯეს, საქარიას, აქჩაკოჯასა და ზონგულდაქის რეგიონებში – დაახლოებით 140-160 ლირა/კგ.
რეგიონული ციფრების შეფასებისას სიფრთხილეა საჭირო: სხვადასხვა წყაროში ერთი და იმავე რეგიონისთვის განსხვავებული ნიშნულები ქვეყნდება. ამიტომ ჩვენ უფრო დიდ წონას უშუალო მყიდველების რეალურ შესყიდვის ფასებსა და რამდენიმე დამოუკიდებელი წყაროს გადაკვეთას ვანიჭებთ.
ამის კარგი მაგალითია Şahinler Fındık: 10 აგვისტოს მათი პირდაპირი ქარხნული შესყიდვის ფასი 50%-იანი გამოსავლიანობის გაუტეხავ თხილზე 175 ლირა/კგ ბრუტო და 168 ლირა/კგ ნეტო იყო.
54%-იანი გამოსავლიანობის შემთხვევაში ნეტო ფასი 181.44 ლირამდე, ხოლო 56%-იანზე – 188.16 ლირამდე იზრდებოდა.
ამ ფონზე TMO-ს მიერ ლევანტისთვის განსაზღვრული 250 ლირა/კგ თავისუფალი ბაზრის 168-170 ლირიან ნიშნულთან შედარებით დაახლოებით 80 ლირით მეტია. ეს სხვაობა შემთხვევითი არ არის:
TMO ჯერ 24 აგვისტომდე არ იღებს პროდუქტს. ფერმერს, რომელსაც შენახვის შესაძლებლობა არ აქვს ან სასწრაფოდ სჭირდება ფული, ახლა მოქმედ თავისუფალ ბაზარზე უწევს გაყიდვა.
ხაზგასმით აღვნიშნავთ: 11-12 და 12-13+ ლარიანი ნიშნულები არ არის ოფიციალური ფასის
პროგნოზი. ეს არის მიმდინარე საბაზრო მონაცემებიდან გამომდინარე სცენარული შეფასება,
რომლის რეალიზებაც დამოკიდებულია თურქეთის ახალ მოსავალზე, რეალურ გამოსავლიანობაზე,
TMO-ს შესყიდვის მოცულობასა და კერძო სექტორის რეაქციაზე.
